START - Stifting Fryske Aksje

Frysk@ednijpels.nl

Skreaun troch Skriuwer

tiisdei, 03 jannewaris 2006

Sûnt 23 july 2004 is de Stifting Fryske Aksje eigner fan de domeinnamme www.ednijpels.nl. Wy hawwe dizze namme oardeljier yn 'e djipfrieskast lizzen hân mar nei goed speurwurk fan omrop Fryslân redakteur Botte Jellema kaam de namme wer oan it ljocht. Ed Nijpels kin de namme fan ús krije nei't er in ludike mar bynammen ek symboalyske opdracht útfierd hat. Dizze opdracht lûdet:

It domein ednijpels.nl sil oerdroegen wurde oan Ed Nijpels neidat hy in folsleine iepenbiere gearkomste fan 'e provinsjale steaten fan Fryslân yn 'e Fryske taal foarsitten hat.

Krekt lykas mei de Kameleonfilm is ek dit wer in aksje mei in knypeach.

Fryske Kameleonfilm

Skreaun troch Skriuwer
tiisdei, 07 desimber 2004
De stifting Fryske Aksje is bekend wurden troch it meitsjen en fertoanen fan de Fryske Kameleonfilm. Mei mear as 23.000 besikers wie dit in grut súkses wat der ta laad hat dat de makkers fan de Nederlânske kameleonfilm, Steven en Klaas de Jong, tegearre mei de útjouwer, Uitgeverij Kluitman, tsjin ús in boaiumprosedure oanspand ha. Dizze prosedure duorret no al wer mear as twa jier en der hat noch altyd gjin útslútsels oer west. Wy wachtsje it ôf. Oant de útslach fan de rjochter bliuwt de Fryske Kameleonfilm wierskynlik yn de klús.
Lêste oanpassing ( tiisdei, 07 desimber 2004 )